Mashi No Mashi

营业中

休息中

作为沾面控，当然要不停发掘香港有咩好食嘅沾面店。Mashi no mashi 其实留意左好耐，佢系隔离主打和牛走高档路线嘅「和牛黑手党」嘅副线沾面店。虽然叫稳世（因为location极远离闹市，座落响一条了无人烟嘅街道中），但其实人气都一直相当高企，经常都有排长龙嘅情况。所以我哋放假就趁佢一开门就去帮衬。当日12:30 就到，基本上仲未有人唔洗排队。落order系自助形式，有部自助贩卖机，不过都会有职员辅助，服务非常周到。我哋点左两款沾面，试吓唔同口味。店舖座位唔算多，得bar枱位置，坐位都只有10个左右，唔怪得经常要排长龙啦🤣特制和牛沾面 $150 👍🏻👍🏻👍🏻👍🏻👍🏻个汤有好浓旭嘅鲣鱼味，可以挂倒面（沾面黎讲系必须的），个面都好烟韧，整体系好食。重点在于个和牛，佢只系用火枪系咁二烧左两下，所以仲系好嫩颜色仲系好pink🤣，真系入口即溶，好有牛脂嘅香味，的确系正嘢黎。虽然份量唔多，但重质不重量，啲个价钱都值。激辛武士沾面 $165 👍🏻👍🏻👍🏻👍🏻其实个面系一样，只系沾酱唔同，虽然叫极生但系其实唔系好辣。比较起上嚟，我钟意原味多啲，因为个酱汁比较油腻，同个极肥美嘅和牛未系好完美配搭。