House FiftyEight

营业中

休息中

餐厅位于观塘工厦，环境宽阔而且设有飞镖足球机等娱乐设施，食完饭都可以同班friend玩吓。而且仲设有露台望到城市景。餐厅仲比较清静。钟意静静地上嚟坐低倾吓偈嘅朋友都几推荐上嚟。今次叫咗个二人餐:个人好钟意呢一度个餐包，非常之脆。由外面脆到入面。而且点埋蘑菇汤食味道超级正。前菜有香料吞拿鱼配牛油果及红葱酱，份量比较轻盈，但味道丰富。吞拿鱼沟埋酱料食非常夹。推介点多啲酱食。主菜有味噌煮和牛面颊肉，非常推荐呢一个牛面。肉质嫩之余，味道非常出色。味噌味特出。黑松露饭配海胆三文鱼籽蟹肉，海胆味突出。食完呢一个都够晒饱。甜品卖相一流，食落味道都唔差。