R&Y's International Cuisine (大尾篤村)

营业中

休息中

大美督除咗多燒烤場，仲有好多前鋪後居嘅餐廳，今日搵到一間深入隱世嘅fine dining 私房菜！家庭式經營，爸爸係曾任職中環五星級餐廳大廚，有大師級嘅水準，每道餸都特別精緻！餐前小食 - 酸汁巴拿馬火腿 & 香蔥薄脆蒜蓉包用精美嘅鳥籠承載住，酸汁中和巴拿馬火腿嘅鹹味😋香蔥薄脆同蒜蓉包味道非常香濃脆口！超讚的開胃小食！餐湯 - 龍蝦濃湯質感濃稠，龍蝦味香，我最鍾意攞嚟點薄脆同蒜蓉包😍頭盤前菜 - 大蝦配紅菜頭油醋汁 & 魚子醬煙三文魚配蛋黃醬第一次食紅菜頭油醋汁，感覺清新酸甜，令大蝦更鮮味，煙三文魚加魚子醬夠矜貴啦，配上蛋黃醬香甜可口❤️主餐 - 秘製慢煮走地鮮雞用烤焗慢煮烹調，令雞皮有少許焦脆感，亦不失雞肉鮮嫩多汁！主餐 - 西班牙芝士豬扒豬扒大塊又厚身，入口鬆化，上面仲有燒芝士薄層，增添不少香氣！甜品 - 巴斯克芝士蛋糕甜度適中，忌廉芝士味香！地方細細但勝在環境舒適有家的感覺，最重要喺門口可以免費泊車，食完飯出去散吓步都幾舒服！聽聞嚟緊聖誕節會有聖誕套餐，要早啲book位先得！