Ali 爸爸餐廳

营业中

休息中

食印巴菜好多人都会谂起重庆大厦，但可能因为太多游客帮衬，又或者佢哋立足香港太耐，咖哩味道渐渐「港化」，价钱就「国际化」非常贵，想食平靓正嘅印巴菜，就要揾啲隐世小店喇！Ali爸爸位于屋邨商场，邻近学校区，平日除咗学生外，仲有好多街坊、印巴同乡帮衬，一解思乡之忧。开业数年口碑甚佳，当中关键在于用心制作，价钱实惠。今日咁啱路过，一于支持吓！今日点咗两个套餐，另加烤饼 Naan，芒果乳酪，盛惠$194。玛莎拉烧鸡（配饭）选用正宗印度米，米粒修长，干身，配有咖哩系绝配。玛莎拉烧鸡，鸡肉嫰滑有肉汁，鸡肉边烧至微焦非常香口，酱汁微辣浓郁，配饭一流。咖哩薯仔烩虾（配饭）识食咖哩嘅人，一定先食薯仔，因为佢吸饱咖哩精华。咖哩汁本身香料咪浓，配 Naan 最正，虾仁爽口弹牙，但同咖哩融合唔到，唯有各有各精彩蒜蓉烤饼(Naan) 即叫即烤，上枱热辣辣，面团湿度高，烤饼外脆内软，淡淡蒜蓉香，净食都好好味，配埋咖哩就一绝喇！芒果乳酪乳酪微酸，非常开胃，如果芒果味再浓啲就好喇！总结：二人分量，大碟抵食，价钱实惠，Ali 爸爸系用心❤️小店，以后星期六/日，又有新嘅食堂喇！