Goldfinch (已結業)

表妹带我嚟呢间靓靓餐厅，食咗个靓靓午餐，感觉好好，性价比亦几高，值得推荐😊😊成个氛围好轻松，令人好舒服亦好感恩，呢度嘅店员都好亲切，会介绍餐牌上面嘅食物，无论系食物嘅配搭，又或者系烹调方法，所有特别之处，都一一介绍👍🏼👍🏼水耕菜沙律配茶叶蛋及合桃一个营养均衡嘅沙律，清新，配茶叶蛋，够晒特别莴笋浓汤配杏仁第一次见莴笋浓汤，感觉非常清新莴笋味道浓郁，都几得意主菜方面，我哋拣咗湛江鸡大大只鸡髀，外皮有焦香感觉鸡肉算系偏肥美，好厚，而且好多肉汁配上芥菜薯蓉，令到薯蓉增添一份清新感，整体配搭同味道都唔错😊😊另一款主食，我哋就拣咗猪腩肉配蝶豆花饭用咗慢煮嘅方法，令到猪腩肉嘅肉汁能够好好保存，唔会干争争，细心一睇，猪腩肉一啲都唔肥！除咗好食之外，靓靓嘅卖相亦都非常加分最后饮埋杯咖啡，倾吓偈，非常写意🥰环境算系宁静，几舒服喺中环，咁嘅价钱，绝对值得