蜜密 (已結業)

喺元朗食完晚饭谂住散步去西铁站，行过呢间小铺，见到有心太软，就行左入去。正所谓快人一步理想达到，入去唔够五分钟出面已经要排队。小铺即系小铺！！！见到咁繁忙，紧系即刻叫野食，主要目标心太软，另外问下有咩好介绍，佢推HONEY SECRET!咁即系咩呢？四个字《《《金丝大波》》》（我讲既）（＾O＾）抹茶心太软配豆腐雪糕 － 抺茶味浓，质感好，流心度'一流再流'豆腐雪糕味－清，唔会太抢，佩埋一齐系几好既。《《《金丝大波》》》－ 外面系用糖拉做一个"大波"入面有啲"夹心朱古力酱一口酥"个波下面有朱古力酱，如果想食甜啲嘅，拮爆个波将啲糖连朱古力酱搅埋一口酥一齐食。大满足。