迦米泰式小食 (已搬遷) 新店位置

琴日lunch time系街行过，闻到好香嘅烧烤味，仔细望先留意到尼间小店。就系比尼阵烧烤味吸引左，今日就黎左试下啦。老实讲，餐厅门面真系有少少up dup，入面放左几张折枱，空间唔系好大，大约容纳到十零个人左右。咁今日我就叫左两串串烧，一鸡一猪，同埋一个泰式炒河。先讲串烧真系超级香，入口好juicy，好食。个人就钟意猪串多啲，比起鸡串，仲多左个咬口跟住到个炒河，同样都系好好食，河粉有获气，仲有阵焦香味，食到唔停得口。串烧$15串，而炒河就要成$60，同区黎讲算几贵。不过食物质素搭救。所以话，真系唔好睇少尼啲up up dup dup嘅铺头仔，随时系隐世美食店黎！