漁家

营业中

休息中

{日式二人前 - $605}筲箕湾天后庙隔黎有一条小路，入面有间餐厅，做左好多年好味嘅私房菜，好多人都留意唔到，不过实在系正嘅~ 最近老板有一新搞作，将餐厅来一个大翻新，转身一变变左日本居酒屋，讲真又真系好唔错㖞~今日本麻甩叫左个二人前套餐，再加多个唐扬炸鸡，每样野都好味，食材新鲜又煮得好!先来两只时令生蚝，佢地用嘅系好香蚝味，但系又唔会好饱好滞果种，实在唔错。鱼生三点，每一样都好新鲜，大爱佢地嘅带子，厚切带子食到层层嘅鲜味。熟食先来的是柚子胡椒南非饱鱼拼日式炸蟹仔，鲍鱼好腍身，仲有香浓嘅柚子味，系几特别又好味嘅，拼埋个香脆炸蟹仔，都真系好有口感同味觉嘅刺激。串烧拼盘，入而有肉有蔬菜，肉食大王话你听，呢度鸡、猪、牛三样都好出色，肉味香浓，同埋最贴心系佢地已将串烧切成细细件，一咬开就可以食到一口嘅SIZE，而菇同埋茄子都系高质。最后来多个鱼汤煮野菜豆腐，个鱼汤好浓，豆腐有个炸皮但软滑的心，仲可以配埋饭或者乌冬一齐食，实在系冻冰冰日子嘅精选美食。二人套餐以外我地仲叫左个唐扬炸鸡，特浓调味加埋超酥嘅外皮，超适合送酒! 可惜今日揸车，如果唔系可以约三五知己一齐又饮又食~美味