花月居酒屋

营业中

休息中

朋友仔约食日本野，估唔到餐厅就在我公司附近。不过就算有地址都唔易揾，因为餐厅在中心的2楼，入口唔太明显，要花点精神。去到令我哋有少少惊喜，呢间日本野原来系日式风味好重的居酒屋，入边仲有好几台日本人。我去到的时候，朋友已经点左大部份食物，我当然系乖乖地食啦。见到当晚墙上面有不少时令推介，都系比较特别的菜式。先上一个刺身拼盘，一份拼盘入边有八款不同的刺身，好丰富。几款刺身当中我比较欣赏帆立贝，味道甜得来好清新。反而拖罗虽然味道浓厚，但就有少少筋。同时亦有雪场蟹脚沙律，估唔到呢个沙律有咁多蟹肉。除咗沙律顶部的几件蟹肉外，清新的青瓜丝沙律内亦都混入左唔少蟹肉同蟹子。朋友声称，串烧喺呢度的主打，所以佢哋点左几款俾我哋试吓。银杏唔系我杯茶。呢款鸡肉串好特别，上面有一块紫苏叶包住，有一种特别的香味。牛柳粒劲Juicy。烧鸡翼做得好出色，鸡肉外皮脆得来肉质非常嫩滑。当晚我哋亦试咗天妇罗番薯，味道唔错，可惜口感硬左少少。最后我哋都点左饱肚野，呢个韩式豚肉锅真系好好食。汤底浓香，豚肉系腩位所以好滑，配料亦好丰富，有齐我最钟意的金菇同韩式粉丝。