影片
更多
2021-06-13
80 浏览
天府川菜今日天气好热好想食辣野，同细佬行开天后见到好抵就食下，估唔到有意外惊喜，餐厅环境光鲜阔落，职员仲好有礼貌，服务非常好。红烧肥肠红薯粉$62叫咗小辣，红薯粉烟烟韧韧好有口感，而且微辣好开胃，个汤有醋味酸酸辣辣，另外汤底好足料用心，用碎肥猪肉小辣椒碎葱蒜炸左嘅辣酱，肥肠好爽同香口，仲有芫荽同炸菜吊味，好感动既酸辣味。红糖糍粑$68铺上一层黄豆粉，里面应该系用米及糯米整嘅，烟韧有咬劲，外皮香脆，有一阵米香味，点上黑糖酱之后，甜甜地更好食，好似食紧黑糖珍珠。夫妻肺片$28切得好薄身，辣油唔会太辣，酱料好入味香口。口水鸡$28口水鸡切件，肉质好滑嫩，辣酱入边配有麻酱，所以带有少少花生味，中和左辣味，好容易入口。黄金炸馒头$50外脆内实，外皮炸得好松脆，面包好实唔系打气面包，好有口感，而且配上经典炼奶，味道既熟悉又可口。妃子笑$15味道好清新，底有荔枝蒟蒻，所以饮落有淡淡的荔枝味，又有青柠檬嘅清新。奇异世界$15偏重柠檬茶味，味道清甜。整体而言CP值非常高，午市套餐真系好抵，仲可以加$28配小食，样样都好好食，老板系四川人，所以𩠌菜煮得好正宗，用心制作，食过真系回味无穷，一定会再食，细佬仲
今日天气好热好想食辣野，同细佬行开天后见到好抵就食下，估唔到有意外惊喜，餐厅环境光鲜阔落，职员仲好有礼貌，服务非常好。
红烧肥肠红薯粉$62
叫咗小辣，红薯粉烟烟韧韧好有口感，而且微辣好开胃，个汤有醋味酸酸辣辣，另外汤底好足料用心，用碎肥猪肉小辣椒碎葱蒜炸左嘅辣酱，肥肠好爽同香口，仲有芫荽同炸菜吊味，好感动既酸辣味。
红糖糍粑$68
铺上一层黄豆粉，里面应该系用米及糯米整嘅，烟韧有咬劲，外皮香脆，有一阵米香味，点上黑糖酱之后，甜甜地更好食，好似食紧黑糖珍珠。
夫妻肺片$28
切得好薄身，辣油唔会太辣，酱料好入味香口。
口水鸡$28
口水鸡切件，肉质好滑嫩，辣酱入边配有麻酱，所以带有少少花生味，中和左辣味，好容易入口。
黄金炸馒头$50
外脆内实，外皮炸得好松脆，面包好实唔系打气面包，好有口感，而且配上经典炼奶，味道既熟悉又可口。
妃子笑$15
味道好清新，底有荔枝蒟蒻，所以饮落有淡淡的荔枝味，又有青柠檬嘅清新。
奇异世界$15
偏重柠檬茶味，味道清甜。
整体而言CP值非常高，午市套餐真系好抵，仲可以加$28配小食，样样都好好食，老板系四川人，所以𩠌菜煮得好正宗，用心制作，食过真系回味无穷，一定会再食，细佬仲话点解屋企楼下冇呢一间，好想老板快啲开多啲分店。
张贴
