BB辣

营业中

休息中

原来荔枝角工厦都有好嘢食前𠮶排食得多酸菜鱼想转下口味，今次就嚟咗呢间食佢个水煮鱼。晚市有二人套餐都只系$288，相比起出面食水煮鱼嘅价钱就比较平。套餐有包一个锅， 一个𩠌再加菜，包埋饭。两个人食嘅话其实绰绰有余。水煮鱼比想像中精美同埋大锅而且系色香味俱全虽然系叫咗小辣，但系都几辣，下次都系叫返BB辣算鱼块薄薄地一片所以好入味，而且冇骨，好啱啲懒人食。另外鱼嘅质地都好滑，食得好过瘾。另外配菜都几多宽粉都好够入味整体来讲系一个令人满意嘅水煮鱼个𩠌我哋就拣咗泡椒肥肠。肥肠比想像中多同大，而且系洗得干净冇异味嘅。泡椒嘅辣同水煮嘅辣有d唔同，酸酸地好开胃。食咗两味辣嘅，最后一样我哋就拣咗清炒土豆丝。虽然佢系青炒但一样咁好食，好入味。食完啲辣嘅想食下甜品解辣，点咗个黑糖糍粑，感觉唔错。个黑糖汁有啲焦糖嘅感觉，糍粑外脆内软。最后食埋个冰粉，超满足。