Bro's Cuisine

营业中

休息中

今日观塘收工，系附近揾下有咩食，揾到呢间系工厦入面嘅餐厅，见有唔小人赞好就试一试佢。主食叫大和牛肉酱千层面同埋香煎带皮豚肉扒，两份主食好带水准，特别系千层面非常出色，净系个外观攞嚟打卡已经一流。带皮嘅猪扒比其他餐厅特别，除咗食咗豚肉之外，仲有猪皮，口感丰富好特别。再叫咗一份蟹肉云吞，配上黑松露忌廉汁，非常好食，入面啖啖都系蟹肉，大满足。重点会系餐厅甜品，伯爵茶心太软配雪糕，茶味香浓，心太软焗得好出色！仲叫咗两杯冰糕：系开心果味同埋热情果乳酪味，入面都好足料味道丰富。整体叫咗几样嘢食都系水准之上，系一间隐藏喺观塘工厦入面嘅美味餐厅。