極之拉麵

营业中

休息中

一间门面，位置都不起眼的拉面店，就算走过都唔会留意，吸引到我哋来极之拉面食既原因系师傅一心一意烹调汤底，务求煮出一碗满意的拉面，如果对汤底唔满意就会倒掉休业，表演出匠人的精神。极之真鲷白汤拉面汤底以真鲷鱼熬煮而成，颜色系淡淡奶白色，饮落鱼味浓郁鲜甜，质地好挂汤，配上拉面食每口都系鲷鱼味。叉烧簿切，口感唔会太柴，肉味香浓，而鲷鱼片嫩滑鲜甜，最有惊喜系炸鱼皮，沾上鱼汤食，真系食完想再食。极之真牡蛎酱油拉面，汤底以大量牡蛎长时间熬煮出来，入口系浓厚蚝味，配料半壳酱渍鲍鱼口感软糯，而牡蛎仔粒粒饱满，蚝味十足，成碗充满海鲜味。两碗拉面都好高质素，系香港少有既海鲜汤底，好饮到成碗汤都饮哂，深深体会到师傅既用心同技术。