拉麵小町

营业中

休息中

之前睇Mill MILK介绍，拉面迷嘅我就特登嚟试下呢间拉面店。呢间拉面店系坑尾村落车行几分钟就到，唔算太难揾，因为冇堂食，我就叫左外卖自取返屋企慢慢享用。今次我叫左盐拉面再加白叉烧。佢个曲面偏幼身，但面质非常弹牙挂汤！好抵赞👍🏻汤底方面系鱼介猪骨汤，入口滑身又有少少浆口，饮得出猪骨同鱼介浓厚嘅鲜味，比一般拉面店个汤底冇咁咸，可以饮晒成个汤都唔觉得好heavy。叉烧油脂丰富，烧得好香，feel到啲脂肪一层层咁融化，而白叉烧软冧有肉香，两种叉烧都好食。好难得天水围都可以有间咁高质嘅拉面店👍🏻味道好，价钱合理。