Maki拉麵 (已結業)

今日同朋友去油麻地买嘢，经过见到呢间拉面店，铺面又几吸引有特色，大家又肚饿决定入去食碗拉面🍜医肚。我同朋友叫咗两碗拉面同一个小食、一个甜品，拉面有软硬度选择，可以迎合个人嘅口味。❀特浓豚骨拉面 $82乳白色嘅豚骨汤，浓郁汤头无味精不油腻，面条软硬度适中，爽口有面香。紫菜大大块，建议撕开小块配面一齐食，仲可以吸收埋豚骨汤底，好好食。叉烧肥瘦适中够入味，而溏心蛋味道亦值得一赞👍🏻！❀黑蒜油豚骨拉面 $88 朋友就拣咗黑蒜油豚骨拉面，加入黑蒜油，带有浓浓的蒜香🧄，面条烟靭爽口，叉烧入口松软，糖心蛋流心状态卖相一流。朋友太肚饿，追加叉烧两块😂。❀鸡软骨饺子 $25（5只) 外皮薄脆，微焦香脆，内馅的鸡软骨和猪肉完美融合，爽脆口感，滋味无穷。❀日本芝士蛋糕 $25入口有浓郁芝士味，软滑湿润，口感好似雪糕，芝士控必食。