幸屋

营业中

休息中

今次同朋友去到湾仔区揾好嘢食～系隐蔽小巷里面，发现咗一间隐世拉面店，一于入去试吓佢哋嘅日本拉面。餐厅以的木装潢为主，同日本嘅拉面店一样，而且佢哋有得拣拉面嘅软硬度、汤底嘅浓度等等，以客人喜好和口味为先。胡麻王豚骨拉麺以香浓胡麻香气融合于豚骨汤，特制拉面入口弹牙，非常有口感，把汤汁都挂上。另外，推荐一下呢个食法，可以自行再加入黑胡椒粉调味，可以加强味道层次感，超美味！熟成味噌广岛蚝赤鸡汤拉面呢个系限定期间推出嘅拉面，色香味俱全！ 自选咗浓度高嘅汤底，味道非常浓厚，面且广岛蚝肥美，赤鸡胸肉非常嫩口，拉面入口弹牙，超有口感！餐厅仲有提供柠檬汁，用嚟辟广岛蚝腥味，但个人觉得一啲都唔腥，相反仲食到鲜甜味！见到仲有得叫就快啲叫一碗嚟食吓啦，因为系限定拉面嚟架！日本芝麻手羽鸡翼惹味香口嘅日本小食，鸡翼炸到皮脆肉嫩又多汁，里面嘅鸡肉仲系保持得好嫩滑，简直系邪恶级小食！