影片
更多
2019-10-13
2108 浏览
公司附近有一间外表睇落去都几普通嘅潮式粉面店，但自从试过一次佢哋啲牛腩之后，就觉得佢都算系隐世美食。我第一次食呢间野嘅时候，看到佢地餐牌，系觉得价钱非常之贵！佢地一碗单拼粉面都要$45，喺九龙湾工业区嘅旧店消费来讲，定价系非常进取！但见佢午市果阵总系塞爆人，我估应该都唔错挂。因为粉面唔太抵，所以我自己个人黎通常都系食佢哋个饭招牌切腩饭，一个餐差唔多价钱好似抵Ｄ。今日都唔例外，叫咗一份招牌切腩饭加冻饮都系$59，感觉上OK。冻柠蜜要再加两蚊，但系都算几大杯，唔错。佢哋嘅牛腩其实系算切得非常大件，而且系好特别好似烧肉咁系方柱体嘅。至于味道，唔系一般嘅柱侯牛腩，亦都唔系清汤腩，佢地话系 『潮州新派切腩』，其实算系比较少见嘅潮州卤水牛腩。牛腩入味，但唔会太多酱汁味，会食到肉本身的味道，亦都唔会炆到非常稔，而系保留返个比较弹牙嘅口感。基本上佢哋牛腩都唔会过瘦或者过肥，好似每一旧都系标准，有瘦肉连埋一啲肥筋膜相间，咁样唔会太肥又唔会太柴唔好食。一个饭餐嘅牛腩份量都好多，下边仲有个生菜底仲有啲萝卜，吸哂Ｄ牛腩汤汁嘅精华，最紧要系佢个汁唔会太油太腻。如此小店出品，竟然同市区的牛腩名店能有一拼，可以话都
但见佢午市果阵总系塞爆人，我估应该都唔错挂。因为粉面唔太抵，所以我自己个人黎通常都系食佢哋个饭招牌切腩饭，一个餐差唔多价钱好似抵Ｄ。今日都唔例外，叫咗一份招牌切腩饭加冻饮都系$59，感觉上OK。
冻柠蜜要再加两蚊，但系都算几大杯，唔错。
佢哋嘅牛腩其实系算切得非常大件，而且系好特别好似烧肉咁系方柱体嘅。
至于味道，唔系一般嘅柱侯牛腩，亦都唔系清汤腩，佢地话系 『潮州新派切腩』，其实算系比较少见嘅潮州卤水牛腩。牛腩入味，但唔会太多酱汁味，会食到肉本身的味道，亦都唔会炆到非常稔，而系保留返个比较弹牙嘅口感。基本上佢哋牛腩都唔会过瘦或者过肥，好似每一旧都系标准，有瘦肉连埋一啲肥筋膜相间，咁样唔会太肥又唔会太柴唔好食。一个饭餐嘅牛腩份量都好多，下边仲有个生菜底仲有啲萝卜，吸哂Ｄ牛腩汤汁嘅精华，最紧要系佢个汁唔会太油太腻。如此小店出品，竟然同市区的牛腩名店能有一拼，可以话都几隐世FEEL。
今日唔记得叫小饭，都差啲食唔晒。环境就真系非常一般。而且午饭是时候系非常之旺场，搭台加凳会坐得好迫。阿姐个个忙到脚不沾地，会比较嘈同唔会有星级服务啦，但个个快手食完都会走。
张贴
