原藝

营业中

休息中

听朋友讲九龙塘有间隐世法国菜，于是我就叫佢同我去食。间店系女青入面。一入去就俾间店既设计吸引住。由于唔算好肚饿，我地决定散叫share一道汤，一道沙律，同埋两个主菜。杂果乳酪酒醋沙律 $98朋友坚持要叫个无肉既沙律食，开始我无咩期待，但食左一啖俾佢个开胃又酸又甜既黑醋汁吸引住，草莓同心形既菜令成个沙律即时少女心左，又提升左酸甜既对比，菠萝令成个色调变得有层次。龙虾忌廉汤 $98个汤好浓郁，有好劲既龙虾味，好饮。日本北海道和牛西冷 $288 配菜都好好食朋友拣左半熟既西冷。和牛质素本身好食，唔驶配汁都好完美。配菜烧烤得恰到好处，灵芝菇好弹牙，蕃薯就配酱汁食，蒜头就咁食都好好味。今晚既surprise系第一次食有水蜜桃一齐既菜色。个乳猪好香滑松软，烤得岩岩好。食晒所有野先食水蜜桃，可以感受到延后既幸福感。