好運泰國美食

营业中

休息中

细个系新蒲岗住, 虽然地方唔算大, 但其实都暗藏唔少好食既餐厅, 仲好记得细个一放学就去新蒲岗广场买菠萝冰食, 有时仲会跟屋企人食下日本野, 最近发现新蒲岗广场有间泰菜都几出名, 上星期同屋企人回到此地食晚饭, 原来系我以前食开既日本菜餐厅同一铺位, 依家开左日式同泰式两边, 虽然有少少隐蔽, 加上平日关系, 自然人流都少啲餐牌食物价钱唔贵, 叫完野食十分钟左右, 野食就好快送上我地叫左个泰式皮蛋酿虾饼, 一份有八件咁多, 虾饼好弹牙, 食得到个虾味好突出, 而且炸到个外皮好脆, 点埋泰式辣酱连皮旦咁一齐食, 好正!冬荫功鲜虾炒饭我地叫左少辣, 但都比想像中辣, 如果食唔到辣真系叫BB辣就够, 冬荫功既酸味比较强, 炒饭粒粒分明, 好足料之余, 鲜虾都几弹牙, 愈食愈过瘾泰式蟹肉煎蛋饼炸到好似炸蛋一样, 入口好酥脆, 蟹肉份量都唔少, 真系真材实料既蟹肉一嚿嚿系蛋入面, 点辣酱食好正, 唔会食到成口油, 唔错!估唔到铺仔细细都食到唔错既泰菜, 唔洗一定要去九龙城食, 又多个选择!