港原味 (已搬遷) 新店位置

大角咀交通唔算好方便，属于一个小区，平日好少会过黎呢边，但一直知道呢度隐世美食好多，所以今日过来呢边揾同事，顺便食个靓饭。行过见到呢间新开既餐厅，主打港式新派菜，菜式包括茶记既茶餐同小菜，仲有西方菜式，店内嘅环境好有老香港嘅味道，走怀旧新派路线的确够吸引👍🏻《是咁的三色蛋》$70蒸蛋食得多，但系款式咁特别嘅蒸蛋买少见少，好有新意！一次可以试到三款。包括咸蛋、豆腐瘦肉、同粉丝虾仁，蒸蛋好够滑👍🏻👍🏻《芝士农夫包》$99好耐无食，呢个农夫包入面系咖喱牛肉，份量都算多。咖喱微辣偏甜，恰到好处。牛肉好够稔，唔错！值得一赞系农夫包焗得够脆，若然芝士可以多啲会更好，整体都系值得推介嘅菜式。《虫草花蒸鸡》$98用作烹调嘅配料好丰富，貌相好好，比起出边普通茶记吸引得多，鸡件唔会好干好孩，亦唔会好重鸡味，真系有浓浓既虫草花嘅味道。《足料靓汤》+$8跟餐只需要加$8就可以饮到佢哋嘅足料靓汤，完全超出我预期，真系好足料，而且佢哋嘅汤冇加盐，味道原先本身嘅食材，原汁原味，淡淡清甜味道够晒健康👍🏻 总括嚟讲，菜式有新意之余，仲食得出诚意，每样菜式嘅摆碟、烹调睇得出有花心机，系值得再嚟嘅餐厅👍🏻