幸屋

营业中

休息中

今日收工去咗揾个friend, 由湾仔地胆带咗我去一间超级好味嘅隐世拉面店。平时如果自己系湾仔，系唔会揾到呢间拉面店，因为系d 巷仔入面，而唔系大街。拉面店以木系啡色及浅啡色为装修，餐厅舖头呈长型，因楼底较高好有空间感。有四人枱，亦有向墙嘅吧枱。我哋被安排去吧枱坐，好有置身日本居酒屋嘅感觉。餐厅员工服务态度非常亲切，一坐低就问我哋要茶或是水。胡麻王豚肉拉面 $80汤底黑芝麻味非常香浓，再加上猪骨汤底陪搭。调出猪骨汤嘅肉味来，非常清甜唔会过腻。 豚肉选了角切，非常厚身嘅厚切猪肉片，拉面够爽口弹牙。虾汁帆立贝沾面 $128汤底以海老熬制而成，非常浓厚嘅海虾味，每一啖都好似食紧一只海虾咁。帆立贝非常大粒新鲜，有两大粒。 还有一片厚切豚肉同切开嘅温泉蛋附送。再伴随木耳丝、虾米仔、葱丝同一片紫菜。 再以浓虾汤底捞沾面食，一试难忘，非常好味。和风饺子 $38将饺子整成一个薄饼，食落去脆得来又软，非常好味😋。八爪鱼丸外脆内软，粉唔会太多，仲有八爪鱼🐙在内。非常好味。日后再来湾仔会再试埋其他款式拉面。