賦湯稻火

营业中

休息中

今日我喺朋友介绍之下，去咗一间大角嘴嘅隐世火锅店，铺头唔算易揾，但系去完之后，觉得远啲都系值嘅。朋友介绍一定要试嘅系招牌菜——花甲蟹锅汤底。花甲蟹锅汤底系火锅嘅灵魂。花甲同蟹都好新鲜，加上细心熬煮嘅汤汁，浓郁得嚟带有海洋嘅鲜美同清甜。汤底系淡淡嘅黄金色，散发出诱人嘅香气。象拔蚌唔系间间都好食，呢间嘅象拔蚌口感鲜嫩，纹理分明。喺花甲蟹锅汤底里面煮完之后，将汤底嘅鲜味提升到另一个层次，贵少少都应该要食。牛肉系我最重视嘅火锅材料，我哋叫咗一个牛肉拼盘，唔同部位同油份嘅牛肉都有，啱唔同口味嘅朋友，牛肉肉质鲜红有弹性，碌十秒好喇，牛肉鲜嫩，同汤底嘅浓郁完美融合，每一啖都能令人满足。饺子同手打丸都系必食，三款唔同嘅饺都系皮薄馅多，馅料嘅调味恰到好处。煮熟之后，饺子吸收咗汤底嘅精华，如果唔系太饱，仲想再order多一碟。