屋喔 (已結業)

以前好盛行台湾既美食，但因为台风已经吹过，所以依家已经少左好多台湾既食肆，最多都系肉燥饭、牛肉面等等，虽然正宗既台湾美食已经少之有少，但依然有少部份既存在，系中环依间叫屋喔既台湾餐厅，就系其中之一～虽然系中环位置，但位置都比较隐闭，感觉似系香港隐世既台湾美食xd唔系朋友带我黎食都唔知有间咁既台湾餐厅～环境装横系欧陆风格，看似系一个西式餐馆，而且好多摆设都别具特色好多地道既台湾小菜，对少食台湾野既我会特别有兴趣玫瑰洛神花茶，好香玫瑰味，而且加埋红枣，味道清新又香甜，玫瑰香浓又带点甜甜既味道，价钱唔贵之余又唔错～健康又滋润身体～屋喔台式盐酥鸡，盐酥鸡炸得好香脆，食左好多件鸡都唔觉肥腻，脆身带咸味感觉岩岩好，就咁食或送饭都一流～价钱仲要唔贵先系重点！野菌牛柳粒，牛柳粒香浓多汁，食落够juicy，野菌亦都好入味，两种炒埋一齐好夹，入味得黎又够抵食～红油抄手，带微微既酸辣，味道唔错，皮薄饀靓，好食过出面连锁店果啲多多声，要比个like！整体黎讲，食物方面有水准，而且价钱够抵食，系中环已经好难揾到$40楼下既美食，环境唔错，但可以就系地理问题，好少会经过既行仔，同佢有缘之人要好好珍惜～