影片
更多
2023-11-22
17 浏览
朋友介绍嚟呢间食私房菜，听讲话系同大同酒家有关，我自己孤陋寡闻，都唔知乜嘢系大同酒家，原来喺香港同埋广州都系好出名嘅，不过大同酒家一早已经冇咗，而呢一度就系后人开嘅私房菜餐厅。呢一晚食咗好多道菜，想讲其实每一味都非常出色，如果叫我拣最惊为天人嘅，一定系虾子节瓜脯，因为本人非常钟意食虾子碌柚皮，但系呢度竟然换咗做节瓜，而且个配合都非常啱数，食落清爽虾味浓，正！另外佢处理海鲜都系好用心嘅，包括个蟹粉甘笋啦，仲有佢嘅避风塘炒蟹绝对唔系平时食开𠮶啲，反而系用豆豉同埋葱油去做个底，我会钟意食呢一种多啲，唔会死辣。而我嘅另一半就对咖喱羊腩赞不绝口，我见到佢系用好多香料去炮制，目测有用桂皮，唔怪之得𠮶个香味同平时食港式咖喱有少少相近，不过因为佢用料上乘，羊肉鲜甜，成件事升级晒。其实荷叶饭都好正，仲有个燕窝汤羹，唔系用生粉开𠮶种，系用咗冬瓜蓉做底，绝对唔求其。佢个蜜汁火方都好得意，用咗菠萝配搭方包，传统得来几fusion，我就食得好满意。私房菜就当然系要预约啦，嚟呢度最少要六位先至可以预约，佢哋会因应你嘅想法帮你设计好菜谱，大家有商有量，而且房间都系非常私密，仲有独立厕所，地点好近海港城，系一个好适合
呢一晚食咗好多道菜，想讲其实每一味都非常出色，如果叫我拣最惊为天人嘅，一定系虾子节瓜脯，因为本人非常钟意食虾子碌柚皮，但系呢度竟然换咗做节瓜，而且个配合都非常啱数，食落清爽虾味浓，正！
另外佢处理海鲜都系好用心嘅，包括个蟹粉甘笋啦，仲有佢嘅避风塘炒蟹绝对唔系平时食开𠮶啲，反而系用豆豉同埋葱油去做个底，我会钟意食呢一种多啲，唔会死辣。而我嘅另一半就对咖喱羊腩赞不绝口，我见到佢系用好多香料去炮制，目测有用桂皮，唔怪之得𠮶个香味同平时食港式咖喱有少少相近，不过因为佢用料上乘，羊肉鲜甜，成件事升级晒。
其实荷叶饭都好正，仲有个燕窝汤羹，唔系用生粉开𠮶种，系用咗冬瓜蓉做底，绝对唔求其。佢个蜜汁火方都好得意，用咗菠萝配搭方包，传统得来几fusion，我就食得好满意。
私房菜就当然系要预约啦，嚟呢度最少要六位先至可以预约，佢哋会因应你嘅想法帮你设计好菜谱，大家有商有量，而且房间都系非常私密，仲有独立厕所，地点好近海港城，系一个好适合家庭朋友聚会嘅地方！
张贴
