影片
更多
2023-07-08
67 浏览
想揾间浪漫有情调既餐厅食Fine Dining一般都所费不菲，今次发掘到一间位于尖沙咀既隐世小店，由一众年轻人主理，令大家可以用性价比高既价钱享用法式Fine Dining🥹 无论系服务﹑食材﹑味道﹑摆盘都充满心思，用餐体验令人难忘，值得帮衬👍🏻餐厅环境时尚优雅，座位宽敞。店员有礼又服务细心，不时主动过黎加水﹑收碟👍🏻 最近餐厅系openrice推出优惠，晚市订座可以85折享用6道菜或9道菜套餐，仲配有餐包﹑petit four，性价比超高✅𝟔 𝐂𝐨𝐮𝐫𝐬𝐞 𝐃𝐢𝐧𝐧𝐞𝐫 𝐌𝐞𝐧𝐮 $𝟏,𝟎𝟖𝟎→$𝟗𝟏𝟖/𝐩𝐞𝐫𝐬𝐨𝐧♢ 🥖𝑭𝒓𝒆𝒆 𝑩𝒓𝒆𝒂𝒅餐厅提供既自家制面包非常丰富！芝士脆片香脆可口；而法包﹑香草蕃茄包口感软熟，配上自家制杏脯牛油更加香口😋 诚意十足！♢ 🥔𝑨𝒎𝒖𝒔𝒆 𝒃𝒐𝒖𝒄𝒉𝒆餐前小吃 ‧ 细细件卖相好别致~ 薯片由餐厅用美国薯仔自家制，中间夹左已切碎既牛肋条，上面仲放有新鲜三文籽同caviar。薯片薄脆可口，加上软腍既牛肋条，整体味道富有层次感，口感好特别！𝑨𝒑𝒑𝒆𝒕𝒊𝒛𝒆𝒓♢ 🎣𝑾𝒂𝒔𝒂𝒃𝒊 𝒕𝒖𝒏𝒂 𝒑𝒐𝒌𝒆 𝒎𝒂𝒄𝒂𝒓𝒐𝒏吞拿鱼芥末马卡龙 ‧ Macaron都系餐厅自
餐厅环境时尚优雅，座位宽敞。店员有礼又服务细心，不时主动过黎加水﹑收碟👍🏻 最近餐厅系openrice推出优惠，晚市订座可以85折享用6道菜或9道菜套餐，仲配有餐包﹑petit four，性价比超高✅
𝟔 𝐂𝐨𝐮𝐫𝐬𝐞 𝐃𝐢𝐧𝐧𝐞𝐫 𝐌𝐞𝐧𝐮 $𝟏,𝟎𝟖𝟎→$𝟗𝟏𝟖/𝐩𝐞𝐫𝐬𝐨𝐧
♢ 🥖𝑭𝒓𝒆𝒆 𝑩𝒓𝒆𝒂𝒅
餐厅提供既自家制面包非常丰富！芝士脆片香脆可口；而法包﹑香草蕃茄包口感软熟，配上自家制杏脯牛油更加香口😋 诚意十足！
♢ 🥔𝑨𝒎𝒖𝒔𝒆 𝒃𝒐𝒖𝒄𝒉𝒆
餐前小吃 ‧ 细细件卖相好别致~ 薯片由餐厅用美国薯仔自家制，中间夹左已切碎既牛肋条，上面仲放有新鲜三文籽同caviar。薯片薄脆可口，加上软腍既牛肋条，整体味道富有层次感，口感好特别！
𝑨𝒑𝒑𝒆𝒕𝒊𝒛𝒆𝒓
♢ 🎣𝑾𝒂𝒔𝒂𝒃𝒊 𝒕𝒖𝒏𝒂 𝒑𝒐𝒌𝒆 𝒎𝒂𝒄𝒂𝒓𝒐𝒏
吞拿鱼芥末马卡龙 ‧ Macaron都系餐厅自家制，味道唔会太甜，口感轻盈。伴上吞拿鱼粒﹑香草沙律，酱汁带有少少芥末味，整体味道几清新😋
♢ 🦆𝑭𝒐𝒊𝒆 𝒈𝒓𝒂𝒔 𝒕𝒆𝒓𝒓𝒊𝒏𝒆
鹅肝冻 ‧ 上菜时以干冰整造烟雾弥漫既效果😍 打卡一流！鹅肝冻份量唔少，味道十分浓郁，口感细腻幼滑，配上麝香啫喱同竹炭脆片可以中和强烈既鹅肝味，呢个搭配又几好，有惊喜呀✨
𝑺𝒐𝒖𝒑
♢ 🥣𝑪𝒓𝒆𝒂𝒎𝒚 𝒑𝒐𝒓𝒄𝒊𝒏𝒊 𝒔𝒐𝒖𝒑
香浓牛肝菌忌廉汤 ‧ 呢个汤摆盘好靓，食法都好讲究架！店员建议我地先品尝两种唔同味道既汤底。先试一啖「羊肚菌清汤」，入口鲜甜；然后试一啖以普罗旺斯黑松露整成既「牛肚菌忌廉汤」，除左香气十足，味道仲好浓郁添！然后可以将清汤倒至忌廉汤中搅拌，味道更加有层次感😍 最后可以食用旁边煎过既杏黄菌﹑黑皮鸡枞菌，口感爽脆有弹性，非常满足😋
𝑨𝒑𝒑𝒆𝒕𝒊𝒛𝒆𝒓
♢ 🦐𝑫𝒆𝒆𝒑 𝒇𝒓𝒊𝒆𝒅 𝑨𝒓𝒈𝒆𝒏𝒕𝒊𝒏𝒂 𝒓𝒆𝒅 𝒑𝒓𝒂𝒘𝒏
脆炸阿根廷红虾 ‧ 估唔到今餐会食到矜贵既红虾，卖相咁有心思，即刻心心眼呀😍！餐厅以炸过既天使面卷住红虾，虾肉肉质结实，口感弹牙，鲜味比起一般海虾浓郁😋 另外伴以巴马臣芝士﹑香茅鼠尾草泡沫﹑椰菜花忌廉酱汁，将虾肉醮上酱汁又有另一番味道✨
♢ 🦆𝑫𝒖𝒄𝒌 𝒄𝒐𝒏𝒇𝒊𝒕
香煎油封鸭 ‧ 不可或缺既法国菜之一🇫🇷 店员一打开玻璃盖就烟雾缭绕，又系相机食先📸 成碟菜既香气颇强烈，因为用过苹果木烟熏，简直色香味俱全🤤 油封鸭外皮香脆可口，肉质软腍，咸香味道十足。另外伴有布里芝士暖泡沫同薯蓉，够哂饱肚~！
𝑷𝒂𝒍𝒂𝒕𝒆 𝑪𝒍𝒆𝒂𝒏𝒔𝒆𝒓
♢ 🍧𝑷𝒂𝒔𝒔𝒊𝒐𝒏𝒇𝒓𝒖𝒊𝒕 𝒔𝒐𝒓𝒃𝒆𝒕
热情果雪葩 ‧ 黎到fine dining中段唔少得雪葩清一清味蕾。热情果味道既雪葩好少见，配上红石榴泡沫，味道酸甜，几refreshing，可以准备品尝下一道主菜~
𝑺𝒆𝒄𝒐𝒏𝒅 𝑴𝒂𝒊𝒏 𝑪𝒐𝒖𝒓𝒔𝒆
♢ 🐖𝑺𝒍𝒐𝒘 𝒑𝒐𝒂𝒄𝒉𝒆𝒅 𝒑𝒐𝒓𝒌 𝒍𝒐𝒊𝒏
慢煮BBQ猪柳 ‧ 猪柳份量都唔算少~ 店员介绍系用左西班牙猪柳，所以特登无煮至全熟，可以保持嫩滑口感，不得不赞厨师将火候掌握得好好👍🏻 酱汁配有烤红甜椒酱﹑陈年黑醋几特别，醮上酱汁更加香口😋
♢ 𝑫𝒆𝒔𝒔𝒆𝒓𝒕
甜品有两款，卖相都十分精致，真系充满心思👍🏻 第一款单睇卖相真系估唔到系「烧香蕉配柚子雪糕」🍌 以柚子雪糕包住烧热既香蕉，冷热交融，口感超正！另一款系「芒果朱古力球」🍫 店员将热朱古力倒上朱古力球后立刻融化，视觉效果满分💯 朱古力味道浓郁香醇，唔会苦涩，入面加左新鲜芒果粒，伴以脆粒，整体口感丰富，令人印象深刻🥹
♢ ☁️𝑷𝒆𝒕𝒊𝒕 𝒇𝒐𝒖𝒓
最后Petit four以干冰烟雾呈上，打卡一流✨ 甜品造型好似一旧云咁，其实系以菠萝同柠檬叶整成既雪葩棉花糖，松软得黎又有少少雪葩既硬度，口感几特别！另外仲有几粒朱古力，真系sweet到爆~ 为呢餐画上完美句号。
张贴
