新容記海鮮坊

营业中

休息中

是日星期五，午餐谂住食返啲正嘢，就由黄竹坑搭咗几个站去田湾食，相信无咩人会特登入到田湾食饭，正宗隐世。呢间新容记其实之前都试过一次，啲小炒好正，今日再去试啲正嘢。今日过嚟完全系为咗嗌个酸菜龙趸鱼，上次嚟见到已经想叫，但咁啱𠮶日老板话龙趸唔靓，所以叫咗其他。餐牌其实无咩特别，小菜款式都同其他餐厅一样，唯独系有个厨师推介menu，有酸菜鱼食，仲要用龙趸，真系唔系好多地方食到，仲有水煮牛肉都好吸引，下次再嚟试。四个人叫咗三样嘢，但最后都食唔晒。酸菜龙趸份量非常多，仲有薯粉铺底，辣度啱啱好；咕噜肉酸甜开胃，炸得非常酥脆；干炒牛河上次食过，今次encore都无失色，镬气十足；讲开都想赞埋啲白饭口感蒸得啱啱好。最后埋单食咗三百几四百，但都食唔晒，真系失礼，下次再去真系要控制好份量。