桃子Cafe (已結業)

来到旺角食蛋包饭，啱啱做紧两周年限定，$88五选一。餐厅装修好可爱，有一个好大嘅桃画左系墙壁度。问咗餐厅侍应边一种蛋包饭比较受欢迎，侍应介绍日式咖哩芝士汉堡蛋包饭，但系友人唔食芝士的原因就叫咗个日式咖喱汉堡蛋包饭，蛋包饭上面嘅汉堡由美国安格斯牛肉眼打成肉碎，比较弹牙，食到好香嘅牛肉味。配菜有薯仔红萝卜，薯仔炆到好软，咖喱配饭一流。友人则叫左日式咖喱吉列猪扒配意粉， 吉列猪扒炸到好香脆，猪扒唔会太干，咬落去好松脆，配菜有萝卜翠玉瓜，配上咖哩好味。饮品分别叫咗热奶茶同埋冻奶茶， 茶味非常浓郁。