漢年茶餐廳

营业中

休息中

每位潮友对「碟头饭的浪漫」嘅定义都唔同，未必系豆腐火腩，但就一定要系去茶记食先有 feel啰。呢间隐世茶餐厅，感觉就好似系元气加油站咁，PND去食嘅当日见到有好多司机大哥都喺到开餐，以为都系卖普通野啦，食落先知系有啲啲惊喜嘅！见到每枱都有一碟，PND唔执输即刻叫返个金牌盐焗鸡饭仲加左＄10转炒底。饭粒9成沾有蛋浆，炒到粒粒分明，好干身。虽然无酱汁捞饭，但系一啖食落去已经包含左少少鸡油同盐焗味，唔会干争争口淡淡！再食埋件主角盐焗鸡先！鸡皮爽口唔肥腻，盐味已经完全渗进肉同骨中间，咸味浓度啱啱好！肉质嫩滑多汁，「鸡有鸡味」嘅要求呢到绝对做到。想要提升口感层次就一定要点埋佢地个秘制沙姜酱，完美！