影片
更多
2024-09-08
1094 浏览
星期日入大埔行超级城，夜晚揾间餐厅chill吓。听讲隐世西餐厅OX Steak Lounge最近新易手，就入嚟试吓佢嘅嘢食。“OX Steak Lounge”打开menu，最吸引我目光嘅main dish系”黑松露鹅肝威灵顿牛柳”同”传统英式布袋牛柳”。一听就知系好难整嘅手工菜式，当然一次过试晒佢哋😂。因为咁，我哋叫咗两个唔同嘅set ($598 set有威灵顿牛柳，而$398 set就有布袋牛柳)。自家制生牛肉他他 - 牛肉新鲜嫩滑，其实呢个系基本要求，最难𠮶部份其实系调味。呢度用咗洋葱同特殊嘅辣椒粉，令到佢有层次同活泼嘅辣度，相当唔错。三文鱼沙律配蜜糖芥末酱 - 蜜糖芥末酱系个重心，佢令到成个沙律嘅层次提升咗。龙虾浓汤 - 茄味同龙虾味都几浓牛肝菌野菌忌廉汤 - 菌粒切得好大，汤嘅质感好够，菇味就唔使讲了，一定好浓自家制牛骨髓牛油包 - 餐厅名物之一。牛骨髓同牛油一同让入牛骨入边，搽上面包，再点少少盐，会有种奇特嘅平衡感，味道上好有特色。黑松露鹅肝威灵顿牛柳 - 比一般威灵顿牛柳更为复杂，因为系有鹅肝喺入边。牛柳系一大亮点，成熟控制得宜，牛柳非常软熟。其余酥皮，蘑菇层味道亦良好，鹅
“OX Steak Lounge”
打开menu，最吸引我目光嘅main dish系”黑松露鹅肝威灵顿牛柳”同”传统英式布袋牛柳”。一听就知系好难整嘅手工菜式，当然一次过试晒佢哋😂。因为咁，我哋叫咗两个唔同嘅set ($598 set有威灵顿牛柳，而$398 set就有布袋牛柳)。
自家制生牛肉他他 - 牛肉新鲜嫩滑，其实呢个系基本要求，最难𠮶部份其实系调味。呢度用咗洋葱同特殊嘅辣椒粉，令到佢有层次同活泼嘅辣度，相当唔错。
三文鱼沙律配蜜糖芥末酱 - 蜜糖芥末酱系个重心，佢令到成个沙律嘅层次提升咗。
龙虾浓汤 - 茄味同龙虾味都几浓
牛肝菌野菌忌廉汤 - 菌粒切得好大，汤嘅质感好够，菇味就唔使讲了，一定好浓
自家制牛骨髓牛油包 - 餐厅名物之一。牛骨髓同牛油一同让入牛骨入边，搽上面包，再点少少盐，会有种奇特嘅平衡感，味道上好有特色。
黑松露鹅肝威灵顿牛柳 - 比一般威灵顿牛柳更为复杂，因为系有鹅肝喺入边。牛柳系一大亮点，成熟控制得宜，牛柳非常软熟。其余酥皮，蘑菇层味道亦良好，鹅肝更加系画龙点睛。
传统英式布袋牛柳 - 相当奇异嘅特色菜，印象中冇喺其他餐厅见过。佢系将烟肉包住牛柳同蚝喺入边，同样地，最重要系牛柳嘅成熟控制，加埋蚝更加有难度。我好欣赏佢个烟肉做到香脆而唔会好韧，包住软熟嘅牛柳系几好嘅配合。
比利时朱古力心太软 - 甜到控制良好，如果有埋雪糕更佳。
即磨咖啡、热柠茶 - 正常发挥
表面上佢嘅价位唔平，但考虑到佢嘅特色菜都表现出色，烹调难度甚高，我会认为系一分钱一分货。加上佢个set已经包埋甜品同饮品，环境亦几浪漫，作为隐世餐厅都对得住佢嘅名气。
张贴
