M3 Italian (已結業)

平时好少黎沙田围,但今日接人放工,又放得早,就黎呢间西餐试一试~入到黎环境非常之唔错,坐得好舒服,一D都唔迫,又比较静,好岩食饭倾计~两个人叫左三个starters, 第一样叫三式普切塔,个名唔系好知点解,但其实系多士上面加上各种o既配料,包括蕃茄莎莎,烟三文鱼他他同羊奶芝士,本人超钟意食羊奶芝士,呢度o既羊奶芝士"羊"味十足,仲有少少溶,加埋个包超好食~凯撒沙律配烟三文鱼 - 烟三文鱼份量绝对唔少! 罗马生菜都好新鲜~再加上个sauce,成碟沙律好新鲜,烟三文鱼好原好好食~香辣蒜片啤酒煮蚬 - 一上菜o既时候已经闻到好香o既啤酒味~蚬肉都非常新鲜,加上辣辣地,会愈食愈想食~用啤酒煮呢个方法真系好特别!薯仔面团配辣肉肠加巴马臣芝士 - 平时好少食薯仔面团,因为唔系度度都会整,呢度用左辣肉肠去煮佢,甜甜地,好好o赵,令本来冇咩味道o既薯仔面团成为左一碟美食西班牙烧乳猪 - 呢个系全晚最好食o既一道菜,皮烧得非常之脆,好似食薯片咁!但里面o既肉仍然好软滑,亦好够味道,份量非常之多,值得再试~!