麻辣串串香 (已結業)

行过门口闻到超级香 ，原来有一间串烧店喺旁边，入到去先知道佢有串烧之余，仲有酸辣粉同埋麻辣烫 ，收费非常合理！环境都好舒适， 有少少日本居酒屋feel！有一啲item系点菜纸冇嘅！ 要另外同侍应落单！烧大扇贝～ 一上枱有少少吓亲 ，因为 发觉佢系好大只嘅！ 上面加满咗蒜蓉 辣椒丝同埋葱！ 够晒香口惹味 ！重点系佢非常之新鲜！ 而且系好干净嘅！佢开咗边去烧， 刻意用筷子畀大家睇下佢嘅size ，呢个价钱食到呢个size同埋质素， 绝对抵食！烧韮菜～ 韭菜本身已经好重味 ，再加埋佢嘅香料同埋烧烤嘅惹味简直系一绝！ 喺出面食个会烧得好干 ，呢度嘅感觉会系有汁， 做得非常出色！烧茄子～ 烧茄子落咗非常多蒜， 合晒我嘅心意， 当茄子一丝丝咁丝出嚟，卷住蒜蓉，一咬落去真系软润香口！烧秋刀芦笋卷～ 呢个系老板力推嘅新菜式 ！既然老板咁有诚意，当然要即刻order啦！听闻露笋对身体好好！多食无妨！ 秋刀鱼喺出面少烧到脆卜卜 ，里面嘅芦笋又爽脆，两个口感加埋一齐真系一个字「爽」！烧鸡泡鱼干～ 佢唔会烧到好干争争 ，而且切到好幼细 ，但系因为佢有厚度， 个口感都系一流嘅！重庆酸辣薯粉～ 因为都叫咗唔少串烧