名門私房菜

营业中

休息中

新年食团年饭，梗系要食中菜。今次拣咗朋友介绍嘅依间顺德私房菜试吓。入到嚟，依一间私房菜有好多间房，坐得好阔落，倾偈都好舒服，唔会好似啲普通酒楼咁嘈。🥢杏汁炖白肺汤首先，我哋饮咗一个杏汁炖白肺汤，一个我好钟意嘅养颜滋补汤。呢个汤炖到奶白色，好足料，有好香嘅杏仁味，非常香甜清润。🥢冰镇鲍鱼鲍鱼好弹牙，唔腥，食落口好鲜甜，唔点Wasabi豉油都好正。🥢酱爆黄金虾多士虾多士铺有厚厚一层咸蛋黄酱，咸香惹味。加埋新鲜炸起嘅虾多士，真系十分邪恶嘅人间美食！🥢顺德煎酿鲮鱼食完虾梗系要食鱼，就系食顺德名菜。上菜𠮶阵，原本以为食原条煎鱼，点知内有干坤！鲮鱼肉好弹牙，加上外面煎到香脆嘅鱼皮，食落口感更上一层楼。🥢虾干鱼肚炖芥菜食完啲浓味嘢，当然要食返清清哋嘅菜。芥菜好清甜，而且煮到好腍。鱼肚都唔腥，食落爽口，加埋清甜嘅鱼汤，消济一流👍🏻🥢 XO酱海鲜炒饭呢个炒饭海鲜配料都算多，而且炒得好干身，加上微辣嘅XO酱，每啖饭都好香口！屋企人食完都赞不绝口。🥢蛋白杏仁茶甜品成为我今晚最爱😍 蛋白好滑，杏仁茶好香，成个糖水甜而不腻，一个非常滋润嘅糖水，为今晚做一个完美嘅总结！