鄰居 (已結業)

庆祝新年，午餐想食好啲，揾到呢间系长沙湾嘅汉堡包店，平时经过都好多人， 难得有位，就即刻入去食啦。-铺头叫得做neighbor,当然要试吓佢嘅招牌邻居汉堡$60，加咗$32要热朱古力同埋双色薯条。汉堡包好足料，有成块菠萝，烟肉，蘑菇， 蕃茄，当然唔少得汉堡扒。好juicy，块包个面好脆，果然系即叫即整嘅汉堡包。双色嘅薯条有蕃薯条同埋普通薯条，蕃薯条好吸引，外面比较少见！由于佢即炸嘅关系，热辣辣好好食。平时食汉堡包都会饮汽水，不过天气咁冻，我就叫咗热朱古力，杯热朱古力好治愈，打卡必备，上面仲有好多棉花糖好靓好有惊喜。再另外叫咗个水牛城鸡翼，好辣好过瘾朋友就叫咗个肉酱热狗，都好吸引呀！-$100都唔使就食到咁高质嘅汉堡包，真系可以媲美外面xxroom𠮶啲burger。