616燒肉酒場 (已結業)

大围有咩好野食，睇下食评发觉大围有间隠世烧肉店，一于同主子去试吓，估佢唔到地方细细，D野食又唔错wor!!!价钱又合理！第一样前菜Wasabi八爪鱼，好鬼好食，唔系出面hea 你整到一pat嘢咁，系一粒粒好分明，好有口感，跟住到我主子最钟意食嘅牛舌心牛肋肉，我主子一边食，一边赞好食，而我唔食牛就主要食熊本及本地黑毛猪，好好味，烧到佢有D㶶㶶地，真系好鬼香口，鹿儿岛萨摩地鸡我同主子都觉得麻麻地，鸡本身肉质唔错，因为香料腌得太咸，盖过晒D鸡味，如果佢就咁用盐腌就好食好多，菇类份量比较少，如果多番D份量就更好！服务态度度非常好，久唔久就介绍下D食物，又问洗唔洗帮你烧，服务非常贴心，但无奈食物选择种类实在太少，如果多D食物种类就更好了！