集眾菜館

营业中

休息中

今日遇到隐世高手，叫咗几个𩠌，样样都系水准之作，而佢嘅咕噜肉同白胡椒煎鱼卜更真系属于天花板级别，大家有机会真系要试吓。先讲咕噜肉，我问老板娘点解咁好食，佢话原来佢地系用新鲜猪肉去做，唔卦之得一咬落去真系有唔同嘅口感同味道啦。佢嘅咕噜肉炸得火侯啱啱好，外层虽然已经落咗汁，不过仍然保持微脆，而里面嘅猪肉真系软熟有弹性。仲有佢个咕噜肉的酱汁又真系做到拔丝嘅状况，老板娘仲话佢地连菠萝都系用新鲜嘅，真系非常有诚意。至于个白胡椒煎鱼卜就真系劲，白胡椒香得黎又可以辟走鱼卜嘅醒味，可以话系一石二鸟。佢嘅鱼卜煎到表面微微㶶，令到个鱼卜更加香口，好掂，呢两个𩠌𩠌饭真系一流。