影片
更多
2024-08-16
102 浏览
跑马地原来好多隐世食店，今日朋友又带我去食好野~~$1880 有前菜，时令招牌菜，刺身，热食，寿司，汤品& 甜品。🔸前菜第一次食泽蟹，好细只，炸完可以连壳食，咁细只都竟然有蟹膏，再加开胃前菜冲绳海草伴白海胆。🔸 鳢鱼清汤（京都名物）师傅话呢道系京都名物。鳢鱼先用刀断骨，卷成白卷浸系清汤入面，成个汤品加入柚子，梅酱，好清新，好啱夏天食！🔸鱼类刺身鲈鱼，缟鲹每款都用调味料配搭过，例如：醋橘,紫苏花,令比较淡味既刺身都层次丰富。🔸水八爪鱼师傅就咁轻轻攞佢只脚出嚟都令到我哋哗哗声，因为真系好大条。平时好少食，一般都会觉得八爪鱼好韧但，系佢呢一款呢个吸盘系出奇地好爽脆，好特别。🔸紫海胆 最当造嘅海胆品种，师傅讲得啱每一只海胆都唔同味，我同朋友交换食都发觉佢𠮶个比较清甜，我𠮶只就有香茅味，好特别，但两款都好好食！🔸炸物▪️炸沙甸鱼鱼苗▪️炸粟米▪️海老珍丈鱼苗整成一块再炸，以为自己食梗薯片咁。粟米采用2款粟米，北海道粟米比较清爽，长崎粟米就比较浓味。海老珍丈其实系炸虾丸，用白虾去做，食落比平时嘅炸虾丸比较软熟&虾味浓。🔸寿司 金目鲷，间八，关鲭鱼，昆布渍帆立贝，枪鱿鱼，岩手县石坦贝，中拖罗 ,大拖罗,吞
🔸前菜
第一次食泽蟹，好细只，炸完可以连壳食，咁细只都竟然有蟹膏，再加开胃前菜冲绳海草伴白海胆。
🔸 鳢鱼清汤（京都名物）
师傅话呢道系京都名物。鳢鱼先用刀断骨，卷成白卷浸系清汤入面，成个汤品加入柚子，梅酱，好清新，好啱夏天食！
🔸鱼类刺身
鲈鱼，缟鲹
每款都用调味料配搭过，例如：醋橘,紫苏花,令比较淡味既刺身都层次丰富。
🔸水八爪鱼
师傅就咁轻轻攞佢只脚出嚟都令到我哋哗哗声，因为真系好大条。平时好少食，一般都会觉得八爪鱼好韧但，系佢呢一款呢个吸盘系出奇地好爽脆，好特别。
🔸紫海胆
最当造嘅海胆品种，师傅讲得啱每一只海胆都唔同味，我同朋友交换食都发觉佢𠮶个比较清甜，我𠮶只就有香茅味，好特别，但两款都好好食！
🔸炸物
▪️炸沙甸鱼鱼苗
▪️炸粟米
▪️海老珍丈
鱼苗整成一块再炸，以为自己食梗薯片咁。粟米采用2款粟米，北海道粟米比较清爽，长崎粟米就比较浓味。海老珍丈其实系炸虾丸，用白虾去做，食落比平时嘅炸虾丸比较软熟&虾味浓。
🔸寿司
金目鲷，间八，关鲭鱼，昆布渍帆立贝，枪鱿鱼，岩手县石坦贝，中拖罗 ,大拖罗,吞拿鱼酱油渍,北海道马粪海胆
整个寿司都由师傅安排，调好味，再介绍～安排由淡身鱼开始食，用当造＆高级既食材。好似间八，本身就系高级寿司食材。第一次食类似油甘鱼既质地，但肥美好多，好特别；帆立贝亦用了昆布渍调味，帆立贝好新鲜柔软，入口层次丰富；岩手县石坦贝，肉质爽脆，厨师弹一弹佢仲会弹起。😆吞拿鱼亦都有中拖罗 ,大拖罗，酱油渍三款，大饱口福
惊喜甜品有2款:
富良野赤玉瓜-日本直送非常清甜 &
冲绳热情果芝士饼-好少见用热情果做嘅甜品,酸酸甜甜,好醒胃
总计，除咗食材好食之外，地点环境都一流，师傅亦都健谈令人感到轻松自在，系享受嘅一餐
张贴
