Forkers (已搬遷) 新店位置

住土瓜湾附近，见到呢一度越来越多新开嘅餐厅，入边嘅情调同装修都好唔错，我个人就最钟意帮衬小店，唔使食嚟食去都系𠮶啲大集团连锁店，小店充满人情味而且食得出老板嘅用心呢度嘅装修以深灰色同黑色为主，而且一直播住柔和嘅音乐，好有情调！呢度一个套餐由$298起，今晚我同朋友就拣咗烧湿熟成美国牛肩，已经包左前菜，餐汤，薯条沙律任食，主菜，餐茶同埋甜品，出返油尖旺呢个价真系食唔到！首先系前菜，多士系微暖抵赞跟住系蘑菇汤，一放低已经觉得好香浓，仲有粒粒磨菇碎，平时出去食西餐啲餐汤通常都饮唔晒，但呢个真系忍唔住成杯K.O.呢到嘅黑松露薯条炸得好好食，即炸既，油温啱啱好所以真系外脆内软！忍唔住一个人食咗两碗，连沙律都出奇地好食，店长见我食晒都主动走埋嚟问我需唔需要添，估唔到任食但一啲都唔hea!食食吓已经闻到阵阵牛香，左隔一阵就上菜啦，望到呢个微微嘅粉红色我就心心眼！肉汁爆棚！又香又唔un !! 超正之后仲有餐茶同埋芝士蛋糕，芝士蛋糕一啲都唔漏好好食！餐饭食咗个半钟，服务好好！会再嚟食！