Burger Shot

营业中

休息中

系外卖平台叫过一间手工汉堡都几好食，今日特登过嚟牛头角呢边试吓新鲜热辣整起系咪会更加好食。呢度主打手工汉堡，肉自己打，面包系附近面包店拎货，酱汁都系自己沟。所以口味食得出系好新鲜整出嚟。今次你叫咗最犀利嘅霸气双层安格斯芝士汉堡。牛肉用咗安格斯牛肉，手打汉堡扒食得出肉嘅质地同埋牛嘅香味，佢哋调味唔会咸，味道全靠汉堡包嘅酱汁俾佢。所以令牛味更加突出。面包就非常之松软，系附近嘅面包舖拎嘅面包，所以系非常之新鲜软熟。最后就系要讲佢嘅份量真系非常之多。擘大成个口都咬唔晒，食落非常之满足。另外佢哋嘅小食同埋薯条都系即叫即炸，每款小食都可以拣一款佢哋特制嘅酱汁。我另外叫嘅炸洋葱圈都非常之高质，点买佢嘅蜜糖芥末酱同埋黑松露蛋黄酱，质素真系高过好多其他餐厅好多。钟意食汉堡包嘅一定要过嚟试吓。