辛之作手工糖水

营业中

休息中

之前食开佳记，呢间新开大概两个月，之前食过一次之后，不断帮衬。总结一下，我之前食过几款甜品：腐竹薏米糖水：腐竹煲到溶晒，唔系一块块，非常香滑。但个人口味觉得稍为甜咗少少。腰果露：另一招牌作，好少听过其他糖水舖有呢款，非常结的糊状，好香好味。杏仁露：食得出好多磨杏仁口感，非常足料，相对其他糖水，呢只最少甜，健康人士之选。流心芒果布甸：布甸中间留一层流心芒果汁，几特别，但坦白讲味道分别不大，算系几好食，不算太惊喜。绿茶奶冻：声称系日本绿茶制作，味道偏甘苦，我识得出好浓绿茶味，可能绿茶味太重我觉得麻麻哋。结论：呢间同佳记水准基本相同。糖水我只会帮衬呢两间。