Amitie Kitchen (已搬遷) 新店位置

尖沙咀嘅楼上餐厅有唔少都系性价比高，环境亦都好舒适、有情调，呢间就系其中一间。今晚行完街就自己一个来呢度食个set dinner。南瓜汤配餐包南瓜汤味道香浓、甜度适中，好饮！比较特别系有两款餐包，包括长面包、法式面包、同脆片，唔单止有牛油、仲配埋果酱！面包质感都好松软。烧红菜头、菲达芝士核桃沙律呢间餐厅系沙律前菜上都好有心思，唔系其他餐厅个啲普普通通嘅田园沙律，仲加左红菜头、核桃同芝士粒，芝士Creamy、软滑。红菜头嘅酸同芝士嘅咸，令到呢个沙律味道更丰富。北海道带子蘑菇意大利饭拌黑松露黑松露嘅味道系呢个烩饭度非常突出，带子好大粒，每粒都煎香过，味道鲜甜。饭嘅质感比较偏向系起粒个种质感，但我个人就比较喜欢软腍少少嘅饭。伯爵茶奶冻用印花图案嘅英式茶杯装住，卖相好优雅精致。奶冻味道系好浓嘅奶茶味，夹杂丝丝嘅甜，配埋干玫瑰花更加清新，非常好食！榛子咖啡呢款咖啡杯几特别，比一般咖啡大杯，榛子味十分香浓，口感顺滑，味道很好！呢间餐厅嘅晚餐无论系前菜、主菜、甜品、咖啡各方面都几有心思，味道亦都好好，而且份量非常足够，价钱系尖沙咀来讲亦不算贵，好值得一试！