Delite Long Ping Bistro (已結業)

话说上次去食前半岛中厨主理间高质台湾菜 「木玥巷」时见到佢隔离间西餐都好唔错，所以今日同男朋友去咗食~ 上网睇先知原来呢间西餐厅「Delite Long Ping Bistro」新开无耐，餐厅装修以深色为主，设有吧枱、半圆形卡座同方形散枱，气氛浪漫有情调，非常适合情侣拍拖或朋友聚会chill下~ Lunch Set 均一$90，免加一，包餐汤、主菜同饮品，性价比好高！ 🧡Spaghetti Arrabbiata（$90）呢款意粉一上枱就闻好香，食落都好香，味道比较清新，意粉煮得软硬适中，鸡肉软焾入味，高质！ 🧡Chicken Mushroom Risotto（$90）呢款意大利饭个酱汁好creamy，个蘑菇烤得好香，成碟食哂都唔觉得腻，好味！