24食坊

营业中

休息中

平時好少黎西環，今日甘岩工作需要黎到石塘咀，之前試過好出名既沾麵店"彩"，今日佢無開所以就過左隔離吃"24食坊".人好多店內有d 黑，所以轉左買外賣。叫左佢個招牌慢煮雞胸飯配羅勒醬。嘩份量好大！雞胸比得絕對唔手軟，就甘數已經有6大件，絕對比大X 樂/活個d 大好多！面頭有唔少炸蒜香到爆，52蚊黎講好抵！仲要配野飲！右上角有溫泉蛋，甘當然係用黎撈飯食！雞胸肉好嫩，慢煮既原因仲有好多肉汁，表面經過大火煎香，有好靚既梅納反應，吃既時候我中意一塊雞胸配炸蒜青醬甘樣食，真係好正！最緊要係雞胸夠曬健康又唔柴，依份雞胸飯我可以比到90分！下次黎可以再食，認真值得一試👍