影片
更多
2018-11-26
240 浏览
位于元朗嘅寿司店《鮨文》，门面低调，却来头十足。 由于食材当造新鲜，客人品尝过之后， 将那份滋味口耳相传，因而声名大噪。《鮨文》系一家主打Omakase嘅高级寿司店。 大厨会随每个季节，选择最当造嘅食材， 为客人度身订做menu， 保证每次品尝都务必有惊喜。大厨更会详尽地介绍各种食材，由产地、盛产期、做法和特色等都会介绍给客人，保证肚子满足之余， 亦能增加对食材嘅认识， 对于食左咩落肚都会记忆犹新。大厨对每个细节都一丝不苟，就连简单渍物都别出心裁。【慢煮山药】 山药即系淮山，系一种非常有益嘅食材 滑潺潺嘅口感来自其黏液， 当中含有消化酵素，滋补养生。 大厨用慢煮方式烹调，用 60度慢煮四小时，能够保持其爽脆口感， 食落索索声 ，非常特别。 加上用咗wasabi调味， 食落更为开胃。【白子】 用「白雪雪，滑捋捋」嚟形容呢样食材就最适合不过。白子选用咗鳕鱼嘅精子，口感creamy，就如豆腐一样细滑。闻说女士食完可以养颜， 男士补身。 由于鱼油味较强，有一定鱼味，加上少少柠檬酸汁， 就可以撇除那份腥味。【 北海道秋刀鱼卷】 秋刀鱼喺 9-11月秋季盛产，油香澎湃，鱼味浓。 秋刀鱼卷用紫菜包裹
大厨更会详尽地介绍各种食材，由产地、盛产期、做法和特色等都会介绍给客人，保证肚子满足之余， 亦能增加对食材嘅认识， 对于食左咩落肚都会记忆犹新。
大厨对每个细节都一丝不苟，就连简单渍物都别出心裁。
【慢煮山药】 山药即系淮山，系一种非常有益嘅食材 滑潺潺嘅口感来自其黏液， 当中含有消化酵素，滋补养生。 大厨用慢煮方式烹调，用 60度慢煮四小时，能够保持其爽脆口感， 食落索索声 ，非常特别。 加上用咗wasabi调味， 食落更为开胃。
【白子】 用「白雪雪，滑捋捋」嚟形容呢样食材就最适合不过。白子选用咗鳕鱼嘅精子，口感creamy，就如豆腐一样细滑。闻说女士食完可以养颜， 男士补身。 由于鱼油味较强，有一定鱼味，加上少少柠檬酸汁， 就可以撇除那份腥味。
【 北海道秋刀鱼卷】 秋刀鱼喺 9-11月秋季盛产，油香澎湃，鱼味浓。 秋刀鱼卷用紫菜包裹著酸姜、 葱花和白葱。酸姜带甜，姜味能辟腥， 葱花、白葱就能增加爽脆口感，同肥美弹牙嘅秋刀鱼形成强烈对比，却非常匹配。
【香箱蟹】 体型娇小嘅香箱蟹， 重点在于其蟹膏以及蟹籽。 香箱蟹其实系雌性嘅松叶蟹。 为咗保育， 一年之中，只有11月6日至12月31日为解禁期， 才可以品尝到这款珍贵嘅蟹。 所以想品尝到嘅就要捉紧尾巴。 香箱蟹嘅蟹膏实净，味道香浓，鲜味十足，蟹籽脆卜卜， 加埋手拆蟹肉， 放喺蟹盖上面一拼品尝， 据说因而得「香箱蟹」这个名称。
熟食
【香煎和歌山鲈鱼】 呢一度菜式带点西日fusion感觉。鲈鱼鱼皮经过香煎，金黄嘅鱼皮香脆，鱼肉细滑。 下边放有日本大根，白萝卜炆得非常之软淋，清甜得嚟又冇渣。 配以用牛油打成的白面鼓酱， 味道适中，较为清淡，唔会抢咗鲈鱼嘅风头， 亦能令清甜嘅白萝卜层次提升。
【青森县剥皮鱼配鱼肝】， 剥皮鱼嘅鱼肝比鱼肉更为矜贵， 鱼肝占鱼身三分之二， 呢一款白鱼味道清爽，油份较少， 口感不油不腻。 重点在于上面嘅鱼肝， 口感creamy，味道肥美， 可媲美另一日本著名食材𩽾「鱼康」鱼肝。
上为【岛根县大拖罗】 呢一款Kama Toro，位于鱼头和鱼腩中间嘅鱼鲛位， 份量少所以较为珍贵， 只占吞拿鱼三%左右。鱼肉颜色偏淡， 脂肪丰盈，布满雪花。 经过一日熟成后， 筋肉软化，由于脂肪非常丰富，脂肪融合于鱼肉之中，质感入口即溶。
下为【和歌山大拖罗】 大拖罗位于鱼腩部分， 由于大条吞拿鱼筋肉部分较为硬， 所以需要较多熟成时间，七天后，筋肉部分软化，白身部分入口即溶， 油份充斥著整个口腔， 徘徊不散。
【 大分县鲭鱼寿司】 鲭鱼含有丰富DHA， 尤其是秋季出产嘅青鱼油脂恰到好处。唔讲唔知，大分县出产嘅鲭鱼用人手钓而并非网捞， 由于冇碰撞， 唔会有瘀血， 食落肉质更为结实，鱼味亦更浓郁。
【酱汁渍三文鱼籽寿司】 三文鱼籽胀卜卜，晶莹剔透，有别于平时食到嘅酱油渍三文鱼籽，鮨文嘅渍三文鱼籽由师傅自己腌制， 特别加入咗清酒嚟煮，酒精挥发后， 余下酒香和清甜， 令到鲜味提升。 用筷子将一粒三文鱼子夹起， 更能感受到那份弹牙，饱满。 咬落清脆利落， 喺口腔内爆发， 怪不得能成为寿司店嘅招牌。
【北海道函馆市赤海胆饭】呢碗海胆饭一端上枱令人叹为观止， 海胆分量奇多，几乎满泻。 赤海胆盛产于秋季，色泽程鲜艳嘅柿色 。赤海胆令人欲罢不能嘅原因在于佢口感细腻幼滑，那份鲜味来自鲜味氨基酸，回甘十足。 大口大口地将海胆饭放一口， 那种奢华感觉， 实在令人振奋。
【火炙左口鱼卷】 传统日本人推崇白身鱼， 当中以左口鱼最为人所熟悉。 左口鱼肉身结实，油份充足，经过火炙之后， 鱼油入口即溶， 油香喺口腔徘徊挥之不散， 呢点应该系左口鱼为人所爱戴嘅原因。
饭后果物
【静冈县哈蜜瓜配长野县香印青提】 静冈县哈密瓜称为蜜瓜中嘅王者，喺临食之前轻轻喷上 whisky， 模仿哈密瓜成熟后发出嘅发酵酒香，入口如冬蜜般清甜，加上淡淡酒香，令层次提升。 香印提子系近期被热捧嘅提子， 带有清新花香味， 入口爽口香甜，令人回味无穷，一试爱上。
张贴
