Monster Kitchen

营业中

休息中

今晚接朋友放工，友人介绍话依度附近有间隐世高质西餐厅，于是今晚一齐食西餐。首先叫左慢煮纽西兰羊架，羊架下面有芫荽薄荷酱、露笋卷和薯蓉。薄荷酱味道清新，带一点甜味，薯蓉真系好幼滑而且唔会油腻，重点系件羊架真系好滑嫩，配埋下面嘅酱汁配菜，真系好出色。然后叫左个是日特别推介，芫荽香辣蒜香蚬肉意粉。意粉面层的芫味清香，辣粉放系整个碟边，微微香辣唔会太呛喉，可以自行选择辣度多少，意粉底部有少量酱汁，唔会太湿浸淋意粉，而且味道鲜甜，食完唔会太咸。最后叫左个黑糖香蕉批配云呢拿雪糕，制作大约需时15分钟，职员好细心，睇到我地差不多食完主菜就过黎同我地讲准备制作。甜品卖相几特别，唔系我想像平时嘅香蕉批款式模样，香蕉批类似油酥饼，香蕉在批面烤焗，焦糖唔系系批入面，系碟面，配埋开心果粒以及脆糖粒，真系好特别，整个甜品层次配合得好好，果然系必试推介。店舖环境舒适，今晚友人拣了坐室外，微微凉风配埋幽静环境，气氛不错，为整餐饭划上完美嘅句号。