留民料理

营业中

休息中

同朋友喺屯门行完街之后，就去咗附近嘅一间餐厅食嘢！留民料理，个名几特别，店铺外仲写住fusion无国界料理，几吸引！店内环境有啲似酒吧，店内亦有售卖手工啤及日本清酒。入面仲有部电视播放住店长嘅心路历程，睇完就会知点解店舖名叫留民料理。蟹籽温泉蛋冻食温泉蛋，除咗有蟹籽之外，仲有葱花同芝麻酱。芝麻酱好香浓，掩盖咗生蛋嘅腥味并特出咗葱花嘅味道。蟹籽海葡萄宫城大真蚝日本直送！差不多手掌般大细，一啖根本食唔晒！生蚝鲜甜肥美，海水味唔重，再加上蟹籽及海葡萄，令带出清爽口感！胡椒海盐煎烧黄脚立黄脚立并冇鱼腥味，而且一条正骨，怕食鱼骨嘅可以放心。鱼肉嫩滑软绵，即使唔加任何调味料亦带有甘香。如果想重口味，可以添加附带嘅海盐，柠檬汁，七味粉，及特制酱汁（少辣）。日式甜咖哩炸软壳蟹烩饭香浓咖哩味但唔油腻，未食先闻其香。盐酥炸软壳蟹，单食会比较咸，配饭食会比较好。除咗蟹籽，葱花仲有瓜粒，所以食落口会有爽口嘅感觉。饭量亦唔细，两个人分都得。