影片
更多
2022-08-26
21 浏览
📍友樂鮨- #YFF美孚 💎【隱世民居高質素Omakase 豐富日料盛宴體驗】一直覺得美孚係個美食沙漠，估唔到呢個住宅區竟然隱藏左呢間臥虎藏龍嘅高級日本料理。比起旺區嘅鮨店，呢到嘅人氣自然不能相提並論，但我就好enjoy呢到與世無爭嘅氛圍，令人可以安靜地享受環境及食物。店內環境相當寬敞，燈光柔和，裝修新淨精美，感覺相當舒適，而且店員服務殷勤之餘仲予人一份親切感，呢種感覺係喺其他鮨店比較少感受到的。❝Deluxe Omakase❞ — $1288︱❝Supreme Omakase❞ — $1400❝時令前菜三款❞➤ 磯煮白梅貝白梅貝用醬汁煮過後入味之餘帶鹹香，又唔會蓋過它本身的鮮甜味，口感爽口又彈牙。➤ 醋漬日本水果茄清新爽口，酸甜滋味令人食欲大開。➤ 松葉蟹肉 配 味噌豆腐豆腐口感軟滑，濃烈蟹味喺口中久久不散。❝刺身五款 (Deluxe) / 七款(Supreme)❞➤ 日本厚岸蠔厚岸町係日本著名盛產生蠔嘅地方，呢到出產嘅生蠔肉質飽滿，口感Creamy嫩滑，海水味較淡，配上青檸啫喱同食已經可以將生蠔本身的甘甜味帶出，味道輕盈鮮甜!➤ 鱸魚 鱸魚以刺身形式最可以食到其鮮美，肉質脆彈，口味
【隱世民居高質素Omakase 豐富日料盛宴體驗】
一直覺得美孚係個美食沙漠，估唔到呢個住宅區竟然隱藏左呢間臥虎藏龍嘅高級日本料理。比起旺區嘅鮨店，呢到嘅人氣自然不能相提並論，但我就好enjoy呢到與世無爭嘅氛圍，令人可以安靜地享受環境及食物。店內環境相當寬敞，燈光柔和，裝修新淨精美，感覺相當舒適，而且店員服務殷勤之餘仲予人一份親切感，呢種感覺係喺其他鮨店比較少感受到的。
❝Deluxe Omakase❞ — $1288︱❝Supreme Omakase❞ — $1400
❝時令前菜三款❞
➤ 磯煮白梅貝
白梅貝用醬汁煮過後入味之餘帶鹹香，又唔會蓋過它本身的鮮甜味，口感爽口又彈牙。
➤ 醋漬日本水果茄
清新爽口，酸甜滋味令人食欲大開。
➤ 松葉蟹肉 配 味噌豆腐
豆腐口感軟滑，濃烈蟹味喺口中久久不散。
❝刺身五款 (Deluxe) / 七款(Supreme)❞
➤ 日本厚岸蠔
厚岸町係日本著名盛產生蠔嘅地方，呢到出產嘅生蠔肉質飽滿，口感Creamy嫩滑，海水味較淡，配上青檸啫喱同食已經可以將生蠔本身的甘甜味帶出，味道輕盈鮮甜!
➤ 鱸魚
鱸魚以刺身形式最可以食到其鮮美，肉質脆彈，口味清淡鮮美，配埋柚子醋同食可嚐其清新鮮味。
➤ 日本響螺
口感韌中帶脆，頗為爽口，簡單配上豉油已經鮮甜無比。
➤ 深海池魚
私心推介! 魚肉色澤晶瑩而帶淡粉紅，非常新鮮度。以厚切形式呈上，並喺表面界左幾刀増加美觀感~ 肉質鮮嫩肥美，脂厚油香，入口魚油甘香細膩，魚味極重!
➤ 大拖羅
粉紅色喺大拖羅，油花細緻，輕輕一咬，雪白色的魚油喺口中融化，口感肥美滑潤，柔嫩味鮮。
➤ 北海道牡丹蝦 (Supreme)
質感黏糯之餘又有爽身嘅口感，配埋啲蝦膏同蝦籽，鮮味盡出。
➤ 煙燻鰹魚 (Supreme)
係識出煙嘅刺身! 好fancy嘅presentation XD 用玻璃樽裝住熟成鰹魚，開蓋後蘋果木味香氣撲鼻，煙燻風味帶出魚肉本身的香氣和滋味，中心部位仍然係半生狀態，雙重口感幾有層次~
❝壽司五貫❞
➤ 火炙帆立貝海膽壽司
刺身級嘅帆立貝大粒厚身，炙燒後放上海膽，鮮味層次極豐富，鮮甜無比。
➤ 金目鯛壽司
表面火灸過嘅金目鯛色澤亮麗，肉質細膩，油脂唔算太重，味道鮮美。
➤ 石垣貝
[Swipe left for video!] 師傅上菜前拍咗一拍貝肉，見到貝肉緩緩捲曲，原來咁做可以令佢神經收縮，肉質會食落更爽口架～只有最新鮮嘅貝類先會有呢種效果，可見用料新鮮講究！食落肉厚而爽脆，輕沾山葵醬油，已經鮮美無比。
➤ 沙甸魚卷
以沙甸魚、醃蘿蔔及紫穌葉做成壽司卷，沙甸魚油香突出，口感油潤而不膩。
➤ 海膽壽司 (Deluxe) / A4和牛海膽杯 (Supreme)
海膽甘甜軟綿，加埋入口即溶嘅火炙鹿兒島a4和牛，油香喺口中爆發，令人非常滿足。和牛海膽杯表面仲放上金箔作點綴，賣相非常精緻!!
❝手卷❞
➤ 碎蔥吞拿魚腩手卷
拖羅蓉份量慷慨油潤，口感肥美香滑，加埋蔥碎一齊食超香! 另外師傅仲加左D漬物增添清爽感，令整體口感唔會太膩。
❝廚師一品料理❞
➤ 清酒煮北海道赤鮑魚 (Deluxe)
以清酒煮過嘅鮑魚鮮甜帶酒香，口感爽口彈牙😍 另外仲配上鮑魚肝醬增加鮮味，但我就唔係好食得慣果陣微苦既味道~
➤ 金龍蟹餅 (Supreme)
賣相澎湃吸睛，用炸過嘅大蝦同埋自家製喺\嘅蟹餅砌成金龍狀。蟹餅炸得金黃乾爽，每啖都充滿甜美可口嘅蟹肉絲，非常真材實料。
❝吸物❞
➤ 舞茸白魚清湯 (Deluxe)
清湯用金目鯛煮製而成，加上舞茸清香菇味，幾清爽解膩。
➤ 鯛魚白湯 (Supreme)
相對之下呢款湯嘅味道口感真係濃郁得誇張~ 以超過三十條鯛魚熬製而成，魚湯呈奶白色，可想而知係幾咁濃郁!! 飲落口感非常順滑，即使冇另外作調味已經夠晒鮮甜!!
❝甜品❞
➤ 日本雪糕 (香蕉/芝士)
兩款雪糕嘅味道都好濃郁，前者食到有香蕉蓉，口感清新，唔係普通嘅香精雪糕；後者帶鹹香，鹹鹹甜甜嘅味道幾得意。
张贴
