影片
更多
2014-12-29
2017 浏览
一班同学仔去一日游旅行，大班人玩完要食晚饭都几头痛！（12大8小）同学仔妈咪提议呢间食堂，我们大家都无所谓，最紧要好坐同唔会介意我们多小朋友！佢话一定无问题！呢间食堂有规定，首先要有房署职员订位，要事先写定菜！唔系即兴上去食！菜式名称都几特别！好多都未试过！食堂仲好好话可以比我哋坐埋一枱！（好高难度）一日游之后去到门口！大楼下系好普通嘅房署办事处，只有一个牌写住康乐会，要在楼下按钟！上面先按掣开门！食堂在三楼，电梯只能上到二楼，所以要行上一层（行动不便就去唔到）上到去就见到个格局系中菜馆大厅！（我唔知有无房）好金壁辉煌，店员指示大厅中间一张大枱比我哋（为了坐埋一齐，要坐圆櫈）最令人开心系食堂出口就有一间游戏室！班马骝即刻冲入去玩（有电视游戏、积木、煮饭仔）佢仲比埋隔离张中枱我们放手袋杂物！好窝心！（外套手袋真系放满成张枱）因为已经一早写定𩠌！就即刻叫起！椒盐陈皮中虾：炸得松脆，椒盐味惹味，唔觉陈皮味，但已经好味到「选」手指，中虾大只，虾肉爽口弹牙！好好味油炸鬼咕噜肉：咕噜肉汁酸甜，玻璃色透明，油炸鬼中间夹虾胶，再有酱汁包住，真系比个样呃到，以为系咕噜肉，咬落虾胶弹牙，油炸鬼索汁！而中间
椒盐陈皮中虾：炸得松脆，椒盐味惹味，唔觉陈皮味，但已经好味到「选」手指，中虾大只，虾肉爽口弹牙！好好味
油炸鬼咕噜肉：咕噜肉汁酸甜，玻璃色透明，油炸鬼中间夹虾胶，再有酱汁包住，真系比个样呃到，以为系咕噜肉，咬落虾胶弹牙，油炸鬼索汁！而中间仲有真嘅咕噜肉，一样外脆内软！今次唔用菠萝，用蜜桃，虽然都系罐头蜜桃，但食落口感厚肉啲，又juicy!其他三色椒爽脆！我哋连三色椒都清埋！
枇杷叶响螺炖竹丝鸡：呢款汤未饮过，店员一大煲攞出来！煲盖用纸包住！饮用时先开封！打开觉得汤水深色但好清澈！饮一啖好甜，初时都怕会好重药材味，饮落味道又唔会！味道浓而清！饮完成身暖晒！
西兰花炒班球：班片好厚肉，肉质好滑，唔腥，不过有少许骨！西兰花爽口，有点硬，配云耳淋身！唔会有玻璃献！
云耳蒸班头腩：其实我唔系好识食头腩，因为实在太多骨，只可以拣啲肉多嘅食到一两件，味道蒸出精华！可惜鱼鳞未打清！浪费了啲鱼皮！云耳索晒汁好好味！
红酒烩猪软骨：一大锅，唔知以为系蕃茄汤，好浓好红，中间有好多红萝卜，炆得淋身入味，猪软骨好大块（成块扒咁）中间软骨有咬口，但唔会好硬，配蕃茄浓汤好味！
蒜茸包：原来有蒜茸法包配埋猪软骨食，焗得香脆，面包松脆，香草蒜茸好香，偏咸！好味！
鱼汤什菌浸菜苗：奶白色鱼汤清甜唔腥，好似牛奶咁滑，什菌烟韧，索晒汤汁，加菜心苗爽口！正！
紫姜炸子鸡：以为系普通炸子鸡，原来宝物沉归底，下面姜汁紫姜先系精华！炆得入味嘅子姜块，配炸得香脆嘅炸子鸡！味道好夹！好惊喜！
生炒糯米饭：碟上！卖相普通（如果用瓦锅上会更风味）以为味道普通就错了，糯米干身粒粒分明，有咬口但烟韧，真正嘅生炒（好多为了省功夫，蒸完再炒，已经唔同一回事）味道浓郁！唔使腊味衬托已经好好味！
姜汁榚：初时见竹笼上！以为系寿桃包，原来又系一个惊喜，姜味重嘅榚点，榚身热辣辣糕软熟烟韧！姜味好重！我就好钟意！有朋友就受唔到！
腰果露汤圆：其实食到呢度，已经好饱！但又见个糖水好特别！忍唔到又食，比较少用腰果，通常系用合桃，鲜露打得够滑，有腰果味但唔系好浓！中间有汤圆，汤圆唔系好大粒，外皮烟韧，中间芝麻馅香浓！好好味！
水果：蜜柑！
味道真系无得顶，份量又大碟！食唔晒嘅都要打包走！（我都未试过大家咁踊跃打包，真系太好味，唔舍得浪费）服务又窝心，店员都好好礼貌，收碟上菜换碟都好勤快！地方够大舒服！厕所仲好干净！大家都食得好尽兴，可惜只招呼会员！唔系真系要带屋企人食多次！
张贴
