影片
更多
2023-06-23
37 浏览
Soup:💪🏻藍鱈魚蕃茄濃湯 餐湯非常用心去整，並唔係隨意整羅宋湯/忌廉湯，餐廳嘅濃湯係用蕃茄同藍鱈魚打爛再煮成湯，每一啖都食到滿滿嘅蕃茄蓉同魚藍鱈魚肉😋，蕃茄味同魚味好突出，充滿海鮮風味。Appetizer:💪🏻 蜂蜜檸檬漬車厘茄前菜用左蜂蜜同檸蜜汁去處理車厘茄，而且用漬嘅方式去整，令車厘茄好入味，亦都擗咗車厘茄嘅草青味，甜甜酸酸，做前菜好開胃😚💪🏻 美式煎蟹餅 (跟餐+$68）蟹肉非常多‼️‼️ 蟹餅非常爆餡🤤 而且冇用麵粉、薯仔等配料去填充，每一啖都係滿滿嘅蟹肉。蟹肉都應該係新鮮人手拆出黎，因為蟹肉粒粒都好分明，亦食到極少嘅殼😝 外皮炸得好脆，配埋雷莫拉德蛋黃醬食，微辣濃郁嘅蛋黃醬一齊食非常配搭！Main Course: 💪🏻 藍蟹肉貓耳朵粉 ($108)上菜個刻聞落去已經聞到好香嘅忌廉芝士味，食慾大開🤤 意粉忌廉汁奶味香濃，亦有用洋蔥同蒜粒去調味，食落唔膩。醬汁黏稠，掛汁掛得好好，貓耳朵粉粒粒都充滿忌廉汁，亦都非常煙韌彈牙，食落好滿足😋 而且意粉嘅藍蟹肉都係滿滿的，份量充足啖啖都會食到蟹肉。💪🏻龍蝦汁虎蝦北海道帶子扁意粉 ($168 set dinner）扁意粉都煮的好煙靭，龍蝦
Soup:
💪🏻藍鱈魚蕃茄濃湯
餐湯非常用心去整，並唔係隨意整羅宋湯/忌廉湯，餐廳嘅濃湯係用蕃茄同藍鱈魚打爛再煮成湯，每一啖都食到滿滿嘅蕃茄蓉同魚藍鱈魚肉😋，蕃茄味同魚味好突出，充滿海鮮風味。
Appetizer:
💪🏻 蜂蜜檸檬漬車厘茄
前菜用左蜂蜜同檸蜜汁去處理車厘茄，而且用漬嘅方式去整，令車厘茄好入味，亦都擗咗車厘茄嘅草青味，甜甜酸酸，做前菜好開胃😚
💪🏻 美式煎蟹餅 (跟餐+$68）
蟹肉非常多‼️‼️ 蟹餅非常爆餡🤤 而且冇用麵粉、薯仔等配料去填充，每一啖都係滿滿嘅蟹肉。蟹肉都應該係新鮮人手拆出黎，因為蟹肉粒粒都好分明，亦食到極少嘅殼😝 外皮炸得好脆，配埋雷莫拉德蛋黃醬食，微辣濃郁嘅蛋黃醬一齊食非常配搭！
Main Course:
💪🏻 藍蟹肉貓耳朵粉 ($108)
上菜個刻聞落去已經聞到好香嘅忌廉芝士味，食慾大開🤤 意粉忌廉汁奶味香濃，亦有用洋蔥同蒜粒去調味，食落唔膩。醬汁黏稠，掛汁掛得好好，貓耳朵粉粒粒都充滿忌廉汁，亦都非常煙韌彈牙，食落好滿足😋 而且意粉嘅藍蟹肉都係滿滿的，份量充足啖啖都會食到蟹肉。
💪🏻龍蝦汁虎蝦北海道帶子扁意粉 ($168 set dinner）
扁意粉都煮的好煙靭，龍蝦汁非常黏稠，龍蝦味亦都好香濃🥰，意粉掛汁非常出色！ 帶子煎得好香，煮到啱啱好熟，內裏嫩滑，唔會靭！虎蝦就用燒嘅方法處理，亦用左鹽帶出蝦鮮味，燒得好香，蝦肉都好彈牙🤤
Drinks:
💪🏻 鮮奶茉莉綠茶，崗山白桃茶
茉莉綠茶奶味重，有淡淡茉莉香味，唔算太甜。白桃茶桃味清甜，配綠茶令味道好夾，飲落好清新，亦都唔算甜😚
餐廳亦有扒類（豬、牛、羊、海鮮）配雜菜作主食，健身/想減少卡路里嘅朋友都可以食扒類為主💪🏻💪🏻
Dessert:
💪🏻 莓之戀人 ($98)
餐廳係整緊雞蛋仔個時，令到成間舖都聞到好香嘅雞蛋仔蛋香味，已經非常期待😚 甜品嘅擺盤都非常用心，打卡一流！雞蛋仔食落好香蛋香同牛油香味，而且整得好脆身！當中配有士多啤梨、藍莓、士多啤梨果醬、吉士醬、甜脆脆，果醬嘅酸味中和番其他配料嘅甜味🤤，甜甜酸酸非常配合！而且亦有一球雲尼拿雪糕，雪糕同雞蛋仔一冷一熱嘅口感非常豐富，多重味覺嘅享受🥰
💪🏻 Tiramisu (跟餐+$48)
Tiramisu係餐廳特別調製，酒味香濃，咖啡味好突出😍 Cream cheese好軟滑，芝士味及蛋香味令人深刻！而且乾度適中，唔會整到太濕/太乾身，食落好舒服😚 個人認為係出色嘅Tiramisu!
另外去食飯當一，都有另一枱客慶祝生日，餐廳會特意播生日歌幫忙慶祝，非常貼心嘅服務😝😚
味道：9/10
性價比：8/10
食住瘦指數：💪🏻💪🏻💪🏻/5
张贴