雄丼丼 (已結業)

系呢条巷，有 4 间餐厅，就得呢一间冇名/招牌，餐牌都冇餐厅名既，就连收据都冇印。不过点都好啦，食晏时间，正如同事所讲，狗s 都有人排队呀！当然，我唔系话呢间铺系出狗s 啦！相反，呢间小店唔错㖞。似系日式，因为个餐牌得文字，我只可以睇到个午市菜单，所以真系得个估字啦！最后食到尾，问下个哥哥仔，呢间餐厅点称呼呀？先知叫「红当当」，系好食既，都唔知点介绍俾朋友呀...，有少少失策！讲返食物啦！我今日食既系 J2. 无菌温泉蛋烧汁牛肉丼。肥牛呢...系一般货，唔系上等既，但胜在煮得都唔错，大大碗，有只蛋蛋(白)，冇蛋黄既，我觉得系可以接受既。服务方面...，几好，卖晒奶茶，会即刻话你知，见你个位冇餐巾，又会主动帮你补返。我 buy 架...哈哈