后座冰室 (已結業)

喺铜锣湾食野真系一D都唔平，就算茶餐厅平均都六，七十蚊😅。今日无心插柳地见到呢间后座冰室，个名真系贴切，因为正正喺女人街既最后面，唔系咁容易见到😂😂。唔怪之得D野食唔贵，午餐$55，呢个价有汤有野饮，真系好抵。今日试下皇牌咖哩鸡扒长蟹柳饭 $55个例汤就系一般茶餐厅货色，正常啦，都唔会系水汪汪既😁。个饭都好有份量，果然系长蟹柳，好大条😂😂。鸡扒煎得香脆，不过唔知系鸡扒有香草味定咖哩有香草味，食落有少少香草味道，同个咖哩唔系好夹，咖哩普通左少少，唔太特别🙂。不过呢个价钱咁大碟，又真系好抵食😋。如果lunch 食个快饭都系唔错既选择。